მართლმადიდებლური წიგნები, ახალი საინტერესო გამოცემები

მამათა სწავლანი სულიერი ცხოვრების შესახებ. მეორე გამოცემა. თბ. 2022. შედგება: წმ. ბასილი დიდის, წმ. აბბა დოროთეს, წმ. ეფრემ ასურის, წმ. გრიგოლ დიდის, წმ. ეგნატე ბრიანჩანინოვის, წმ. იოანე კრონშტადტელის, ეპისკოპოს პეტრე ეკატერინბურგელის, დეკანოზ ვალენტინ სვენციცკის სწავლებებისგან. ასევე: მამათა მოკლე სწავლებების კრებულისგან ცოდვებისა და სათნოებების შესახებ; უცნობი ეგვიპტელი ბერების გამოკრებილი პატერიკისგან.

ყოვლადწმიდა ღვთისმშობლის ცხოვრება, თარგმნილი წმ. ეფთვიმე ათონელის მიერ. გამოიცა უძველესი ხელნაწერების მიხედვით. ბერძნული ორგინალი დაკარგულია, ტექსტი მხოლოდ ქართულ ენაზეა შემორჩენილი. რედაქტ. დამანა მელიქიშვილი. თბ. 2020

წმ. აბბა დოროთეს სწავლანი, თარგმნილი წმ. ეფთვიმე ათონელის მიერ. გამოიცა უძველესი ათონური ხელნაწერების მიხედვით. თბ. 2018. გასწორებულია უამრავი ხარვეზი, რაც ძველ გამოცემებში იყო. ერთ-ერთი მნიშვნელოვანი წიგნია როგორც მონაზვნებისთვის, ასევე ერისკაცებისთვის.

წმ. იოანე ოქროპირის იოანეს სახარების განმარტება, წმ. ექვთიმე მთაწმინდელის მიერ თარგმნილი, თბ. 2018 წ. გამოცემა მეორე, შესწორებული.

წიგნში შეკრებილია წმიდა წერილისა და წმიდა მამათა სწავლებები გონიერ არსებათა მარადიული ხვედრის შესახებ. განხილულია პროფ. ალექსეი ოსიპოვის და მისი თანამოაზრეების ცრუ სწავლებები ხსენებულ საკითხზე, მამათა ერთხმოვან სწავლებაზე დაფუძნებით. თბილისი 2018.

წმიდა მამათა სწავლებები ეკლესიური ცხოვრების შესახებ; საინტერესო და საჭირო კრებულია ეკლესიური ცხოვრების დამწყებთათვისაც და მათთვისაც, ვისაც ქრისტიანული ცხოვრების შესწავლა სიღრმისეულად აინტერესებს. თბილისი 2017 წ.

წმ. თეოფანე დაყუდებულის წერილები სულიერი ცხოვრების შესახებ. თბ. 2017 წ.

ნეტარი იოანე მოსხის „ლიმონარი“ და რუფინუსის „მეუდაბნოე მამათა ცხოვრება“ ნამდვილი სულიერი მარგალიტებია, მათში გადმოცემულია ეპიზოდები IV-VII საუკუნეების ქრისტიანთა ცხოვრებიდან, ცნობილი მოღვაწეების მოკლე სწავლებები. თბ. 2016 წ., მესამე გამოცემა.

წმ. იოანე სინელის „კიბე“, თარგმილი წმ. ექვთიმე მთაწმინდელის მიერ. შესწორებული გამოცემა, ფერადი დანართით. თბ. 2016 წ. ეს წიგნი არის მონაზონთათვის სულიერი ცხოვრების ერთ-ერთი მთავარი სახელმძღვანელო. ძვირფასი წიგნია ყველა იმ მართლმორწმუნისთვის, ვინც სულის განკურნებაზე ზრუნავს.

წმ. ნიკონ ოპტინელის დღიური, სწავლებები, მოგონებები მის შესახებ. თბ. 2016 წ. წმ. ნიკონი აღესრულა დევნულებაში, გადასახლებაში 1931 წელს, იყო უკანასკნელი ოპტინელი „სტარეცი“. მისი დღიური ძირითადად წარმოადგენს წმ. ბარსანოფი ოპტინელის პასუხებს მის მიერ დასმულ კითხვებზე, უმეტესწილად სულიერი ცხოვრების შესახებ, ადვილად იკითხება და ძალიან საჭირო ინფორმაციას შეიცავს მართლმადიდებლური სულიერი ცხოვრების შესახებ.

წმ. ეგნატე ბრიანჩანინოვის წერილები. თბ. 2015 წ. წმ. მამის წერილების კრებული შედგება: „წერილები ერისკაცთა მიმართ“ სრულად; „წერილები სხვადასხვა პირთა მიმართ“ გამოკრებილი. წმ. ეგნატეს წერილებში ძირითადად სულიერ ცხოვრებაზე და სხვადასხვაგვარ სულიერ ცდომილებებზეა საუბარი.

„წმინდა სიყმაწვილე“, თბ. 2015. ახალმოწამე ევგენი პოსელიანინის მიერ შედგენილი და ბავშვებისთვის გასაგები ენით გადმოცემული წმინდანთა სიყმაწვილე. წიგნი განკუთვნილია ბავშვებისთვის, თუმცა მშობლებიც დიდ სარგებელს მიიღებენ მისი კითხვით.

ცნობილი ბერძენი საეკლესიო მწერლის არქიმანდრიტ ქერუბიმის წიგნი „თანამედროვე მთაწმინდელი მამები“ გამოცემულია 2 წიგნად 2014-2015 წწ. მასში აღწერილია 19-20-ე საუკუნეების ათონელი მამების ცხოვრებები და სწავლებები. ერთ-ერთი საუკეთესო თანამედროვე წიგნია მართლმადიდებლური მონაზვნობისა და სულიერი ცხოვრების ღრმად გასაცნობად, რომელშიც სულიერი ცხოვრების უმნიშვნელოვანესი საკითხები ძალიან მშვენიერი და გასაგები ენითაა გადმოცემული.

წმ. იოანე ოქროპირის მათეს სახარების განმარტება, წმ. ექვთიმე მთაწმინდელის მიერ თარგმნილი, გამოიცა 2 წიგნად, თბ. 2014 წ. გამოცემა მეორე, შესწორებული, ფერდადი დანართით და ლექსიკონით. საუკეთესო სახელმძღვანელო წმიდა წერილის და ზოგადად ქრისტიანობის შესასწავლად მათთვის, ვინც ძველი ქართულის და განსაკუთრებით წმ. ექვთიმეს ნაწერების გემო იცის.

გამოიცა 2016 წელს, ახლავს ფერადი ჩანართი. დიდი სასწაულთმოქმედი წმ. არსენი ცხოვრობდა კაბადოკიაში და აღესრულა საბერძნეთში 1920 წელს, როდესაც საბერძნეთსა და თურქეთს შორის მოსახლეობის გაცვლა მოხდა. მან კაბადოკიაში მონათლა ჩვილი პაისი მთაწმინდელი, ცნობილი ათონელი მოძღვარი და უწოდა თავისი სახელი – არსენი. პაისი ეწოდა მონაზვნობაში. წმიდა არსენის ცხოვრებაზე მხოლოდ იმის თქმა შეიძლება, რომ ეს წიგნი მრავალჯერ შეიძლება წაიკითხო და არ მოგბეზრდება. იმედია ის სარგებელს მოუტანს ყველას, ვისაც რწმენაში გაძლიერება და სიმდაბლის სწავლა სურს.